Ինչպիսի՞ ազդեցություն ունի իքնամեկուսացումը արվեստագետների գործունեության վրա, քանի որ նրանք հիմնականում արտաքին աշխարհից են ստանում ներշնչման համար տարբեր ազդակներ: «Առաջին լրատվական»- ի հետ զրույցում «Լավ էլի» խմբի երգիչ, երգահան, կիթառահար Մհեր Մանուկյանը նշեց, որ ստեղծագործող մարդկանց համար ինքնամեկուսացումը ժամանակ առ ժամանակ պարտադիր պայման է: «Նախ, անշուշտ, պետք է ազդակներ լինեն, արթնացնող տպավորություններ պետք է լինեն, բայց հետո անպայման պիտի գա ինքնամեկուսացման փուլ, որպեսզի արվեստագետի մեջ հասունանա ստեղծագործությունը և ի վերջո ստեղծվի, դառնա իրականություն»:
Մհեր Մանուկյանի դիտարկմամբ՝ մշակույթի ամենախոր, երկնային գործերը, որ ստեղծվել են, և մշակույթի ամենածաղկուն շրջանները որ եղել են, միշտ չէ, որ տնտեսական կայունության ժամանակներում են եղել, նույնիսկ հակառակը՝ ստեղծվել են դժվար ժամանակներում: «Մեր մեծագույն ձեռքբերումներն ունեցել ենք ողբերգական ժամանակներում: Ամեն ինչ կախված է կոնկրետ մարդկանցից, որոնք մշակույթ կստեղծեն: Մեր շարքերում կան մարդիկ, որոնք կտան մշակույթի սյուներ ու հենակետեր, և կորոնավիրուս լինի, թե այլ աղետ, մշակույթը կպահպանենք և մեզ հետ առաջ կտանենք»:
Մեր զրուցակցի կարծիքով՝ երկրի համար ծանրագույն պայմաներում բարձր մշակութային արժեքներ ստեղծելը միայն հայերին չէ, որ բոնորոշ է, դա համաշխարհային ֆենոմեն է:
Մանրամասն՝ տեսանյութում: