Իսրայելի վարչապետ Բենյամին Նեթանյահուն հայտարարել է կարանտին դուրս գալու մեկնարկի մասին, հայտնում է РИА Новости-ն:
Ժողովրդին ուղղված ուղերձում, որը հեռարձակում էին տեղական հեռուստաալիքները, նա նշեց, որ սկսվում է կարանտինային պայմանների աստիճանական մեղմացում:
Այսպես, շուտով երկրում կկարողանան բացել կենցաղային իրերի և էլեկտրոնիկայի խանութներ, գրախանութներ, որոնք առևտրի կենտրոններում չեն գտնվում։ Թույլատրվելու է 2 հոգու միասին փողոցում սպորտով զբաղվել, եթե նրանք ինքնամեկուսացած են եղել համատեղ ռեժիմով: Բացի այդ, բաց տարածքում թույլատրվելու են աղոթքները (ոչ ավելի, քան 10 հոգի) և կվերսկսվի հասարակական տրանսպորտի աշխատանքը:
Նեթանյահուն ասել է, որ ձեռնարկությունները կկարողանան աշխատել մոտ 30%-ով:
