Վրաստանում մեկ օրում կորոնավիրուսով վարակման դեպքերի թիվն աճել է 15-ով և կազմել 385: Այս մասին գայտնում է stopcov.ge-ը:
5053 մարդ գտնվում է կարանտինում, 527 մարդ գտնվում է բժշկական հսկողության ներքո: 385 վարակվածներից 84 ապաքինվել են, երեք մարդ մահացել է: Բացի այդ, ևս երեք հիվանդ Վրաստան են տեղափոխվել Թուրքիայից և Հայաստանից, որտեղ նրանց մոտ ախտորոշվել է կորոնավիրուս:
Հիշեցնենք, որ ապրիլի 17-ին Վրաստանի նախագահը հրամանագիր է ստորագրել արտակարգ դրությունը մինչև մայիսի 10-ը երկարաձգելու մասին: Երկրում գործում է պարետային ժամ՝ 21:00-ից 06: 00-ն ընկած ժամանակահատվածում: Իսկ ավելի վաղ կառավարությունը 10 օրով արգելել էր մուտքն ու ելքը Թբիլիսիից, Ռուսթավիից, Բաթումիից և Քութաիսիից: