Մի խումբ հակահեղափոխականներ, Քոչարյանի աջակիցներ ստեղծված իրավիճակում կառավարությանն ու իշխանություններին հարվածելու նոր գործիքակազմ ու տակտիկա են մշակում։ Այդ գործիքակազմից մեկն էլ համացանցային պայքարն է։ Այս գործում հատկապես ակտիվ է «Երկիր Ծիրանի» կուսակցությունից հայտնի Իրինա Հարությունյանը, որը օրերս ֆեյսբուքյան փակ խումբ է ստեղծել և մասնակիցներին կոչ արել ֆեյսբուքում ֆլեշմոբ անցկացնել։
Նա առաջարկում է պայմանավորված օրն ու ժամին բոլորը իրար հետևից ուղիղ եթեր մտնեն ու հայտարարեն, որ անվստահություն են հայտնում ՀՀ կառավարությանը և պահանջում են Նիկոլ Փաշինյանի ու կառավարության հրաժարականը։ Նույն Իրինա Հարությունյանը խմբակիցներին առաջարկել է այդ լայվերը հնարավորինս շատ տարածել, որպեսզի ավելի շատ մարդ տեսնի ու միանա իրենց պահանջին։ Բացի Իրինա Հարությունյանից, Երկիր Ծիրանի կուսակցության նախկին անդամներ Սոնա Աղեկյանը և Մարինա Խաչատրյանը նույնպես ակտիվ հակաիշխանական կոչերով են հանդես գալիս:
Փաստացի հակահեղափոխականները կորոնավիրուսով պայմանավորված այս ճգնաժամային իրավիճակը փորձում են օգտագործել իրենց նպատակներին հասնելու համար։
