Ա.Սպենդիարյանի անվան օպերայի և բալետի ազգային ակադեմիական թատրոնի ֆեյսբուքյան էջից տեղեկանում ենք, որ այսօր՝ 19։00-ին օնլայն կցուցադրվի Ա.Խաչատրյանի ՍՊԱՐՏԱԿ բալետային ներկայացումը։
«Բալետային արվեստի մասին մեծանուն կոմպոզիտոր Արամ Խաչատրյանն ասել է․ «Բալետը ես մեծ արվեստ եմ համարում: Նրանում կարելի է արտահայտել մարդու կյանքի ողջ բազմազանությունը, նրա հոգեկան ապրումների հարստությունը: Բալետը սեր է առաջացնում գեղեցիկի նկատմամբ, և նրա երաժշտությունը պետք է բարձրագույն որակ ունենա ու տեսանելիորեն պատմի բեմում կատարվող իրադարձությունների մասին»:
1950 թվականին Արամ Խաչատրյանն այցելեց Իտալիա, տեսավ Կոլիզեումը, Ապպիոսյան ճանապարհը: Հավանաբար հենց այս տպավորություններով էր պայմանավորված երկարամյա դադարից հետո «Սպարտակ» բալետի աշխատանքներին վերադարձը: Երաժշտության վրա կոմպոզիտորն աշխատեց երեք ու կես տարի. պարտիտուրան ավարտվեց 1954 թվականի փետրվարին:
Հայաստանի օպերայի և բալետի թատրոնը #ՄնաՏանը նախագծի շրջանակում առաջարկում է հետևել մեր թատրոնի ֆեյսբուքյան պաշտոնական էջին և առցանց հեռարձակմամբ վայելել մեր խաղացանկի բալետային և օպերային ներկայացումները։
Ապրիլի 14-ին՝ ժամը 19:00-ին, #մնում_ենք_տանը և դիտում Ա.Խաչատրյանի ՍՊԱՐՏԱԿ բալետային ներկայացումը»:
«ՍՊԱՐՏԱԿ՝ Ռուբեն Մուրադյան /ՀՀ վաստ.արտիստ/
ՖԻՐԳԻԱ՝ Սոնա Վարդանյան
ԷԳԻՆԱ՝ Մերի Հովհաննիսյան /ՀՀ վաստ.արտիստ/
ԿՐԱՍՈՍ՝ Գրիգոր Գրիգորյան
Դիրիժոր՝ Աթանես Առաքելյան
Բեմադրիչ՝ Յուրիչ Գրիգորովիչ /ԽՍՀՄ ժող.արտիստ/
Նկարիչ՝ Սիմոն Վիրսալաձե /ԽՍՀՄ ժող.նկարիչ/
Թատրոնի գլխավոր բալետմայստեր՝
Վիլեն Գալստյան /ՀՀ ժող.արտիստ/
Թատրոնի գեղարվեստական ղեկավար՝
Կոնստանտին Օրբելյան /ՌԴ վաստ.արտիստ/
Տեսաձայնագրությունը հասանելի կլինի 24 ժամ»։
https://www.facebook.com/YerevanOpera/posts/2414840065283001