Business-Грузия-ի փոխանցմամբ՝ այս տարվա առաջին վեց ամիսներին Ադրբեջանը, նախորդ տարվա նույն ժամանակահատվածի հետ համեմատ, 30.7 տոկոսով ավելացրել է նավթի արտահանումը՝ այն հասցնելով մինչև 20,007,000 միլիոն տոննայի։
Նավթի արտահանումը հիմնականում իրականացվել է «Բաքու-Թբիլիսի-Ջեյհան» նավթամուղի միջոցով՝ 16,308,000 տոննա։ «Բաքու-Սուփսա (Վրաստան)» նավթամուղով մղվել է 2,050,000 տոննա նավթ, իսկ «Բաքու-Նովոռոսիյսկ» նավթամուղով՝ 1,088,000 տոննա։ Երկաթուղային ճանապարհով վրացական Բաթում նավահանգիստ է հասցվել 561,300 տոննա նավթ։
Վեց ամիսների ընթացքում արտահանված նավթի մեջ հում նավթի ու նավթամթերքի մասնաբաժինը կազմել է 91.55 տոկոս, ինչը 0.27 տոկոսով ավելի քիչ է՝ համեմատած նախորդ տարվա նույն ժամանակահատվածի հետ։
Հիշեցնենք, որ ապրիլի կեսերին Ադրբեջանի Հանրությանը պետական նավթային ընկերությունը (SOCAR) հայտարարեց, որ ցայժմ Ադրբեջանը համաշխարհային շուկաներ է առաքել 255 միլիոն տոննա նավթ և 22.2 միլիարդ խորանարդ մետր բնական գազ:
Իսկ հունիսի վերջին էլ Ադրբեջանի վիճակագրական կոմիտեի ղեկավար Արիֆ Վելիևը հայտնեց, որ շահագործման հանձնումից հետո ԲԹՋ-ով առաքվել է 145.6 միլիոն տոննա նավթ, իսկ «Բաքու-Թբիլիսի-Էրզրում» (ԲԹԷ, Հարավկովկասյան) գազատարով՝ 16.3 միլիարդ խորանարդ մետր բնական գազ։
