Իրանում կորոնավիրուսով վարակի դեպքերի թիվը գերազանցել է 71 հազարը, մահացել է 4474 մարդ, հաղորդել է Իրանի առողջապահության նախարարության պաշտոնական ներկայացուցիչ Կիանուշ Ջահանպուրը:
«Իրանում 24 ժամում հայտնաբերվել է կորոնավիրուսով վարակի 1.657 նոր դեպք, COVID-19-ով վարակվածների ընդհանուր թիվը հասել է 71.686-ի»,- ասել է նա IRINN հեռուստաալիքի եթերում:
Նրա խոսքով, հիվանդությունից ապաքինվել է 43894 մարդ, մահացել են 4474-ը (զոհերի թիվը մեկ օրում աճել է 117-ով):
Ջահանպուրը նշել է նաև երկրում կորոնավիրուսի հետ կապված իրավիճակի համեմատաբար բարելավում փետրվարի 19-ից ի վեր, երբ իշխանություններն առաջին անգամ հաղորդեցին վիրուսի տարածման մասին: