«Արտակարգ դրության ռեժիմի ժամկետը երկարացնելու մասին վերջնական որոշումը կկայացվի վաղը»,- այս մասին «Առաջին լրատվական»-ի հետ զրույցում ասաց փոխվարչապետ Մհեր Գրիգորյանը՝ հավելելով, որ հավանական է, որ արտակարգ ռեժիմի ժամկետը կերկարաձգվի: Նրա խոսքով՝ դա հստակ կանխարգելիչ քայլ կլինի, որպեսզի անհրաժեշտ հաշվեկշիռը պահպանվի և առողջապահական համակարգը կարողանա լիարժեք գործել: «Պրոցեսի կազմակերպիչը առողջապահության նախարարն է, և այս հարցի շուրջ որոշում կայացնելիս, անշուշտ, հաշվի են առնվելու նրա առաջարկները»,- նշեց փոխվարչապետը:
Հարցին, թե որքան կդիմանա մեր տնտեսությունը, եթե շարունակենք այս ռեժիմով ապրել, փոխվարչապետը պատասխանեց, որ ցանկացած իրավիճակում ի վերջո թե՛ տնտեսությունը, թե՛ մարդիկ ի վերջո ադապտացվում են տվյալ իրավիճակին, և ձևավորվում են այդ իրավիճակից բխող և՛ սպառողական, և՛ ծախսային տրամաբանություն, ինչպես նաև ապրելակերպ. դիմանալ-չդիմանալու հարց չէ, պետք է հասկանալ՝ ինչ իրավիճակի ենք ադապտացվում: Դրան զուգահեռ ըստ այդմ պետք է լինի և՛ ֆինանսական մոդելավորում, և՛ տնտեսության մոդելավորումը:
Մեր տնտեսության կոնվերը որևէ պահի կանգ չի առնի, որովհետև կան բիզնեսներ, որոնք աշխատում են շատ ավելի մեծ ծավալներով, այս իրավիճակում ունենք արտահանման հեռանկարներ»:
Անդրադառնալով սահմանին գազի գնի շուրջ բանակցություններին՝ փոխվարչապետը նշեց. «Չեմ բացառում, որ «Գազպրոմ»- ի հետ բանակցությունները «Գազպրոմ»- Հայաստանի կառավարություն հարթությունից կտեղափոխվի ՀՀ կառավարություն – ՌԴ կառավարություն հարթություն»:
Մանրամասն՝ տեսանյութում:
