ԱԺ «Իմ քայլը» խմբակցության պատգամավոր Սոս Ավետիսյանը համաձայն է, որ պարգևավճարների ինստիտուտը պետք է վերանայվի։ Նրա խոսքով՝ լավ կադրերը պետք է արժանապատիվ վարձատրվեն։ Պատգամավորը կիսում է իր գործընկեր, ԱԺ փոխխոսնակ Լենա Նազարյանի կարծիքը, որ 500 հազար դրամը քիչ աշխատվարձ է նախարարի համար։ Ավետիսյանը նաև անդրադառնում է Թուրքիայի նախագահի՝ ոչ դիվանագիտական խողովակով հնչեցրած այն հայտարարությանը, թե պատրաստ է Հայաստանին դեղորայքային օգնություն ցուցաբերել։ Թե ինչպիսին պետք է լինի Հայաստանի արձագանքը, հարցին պատասխանելիս Սոս Ավետիսյանը նշում է՝ կարելի է շնորհակալություն հայտնել և պատասխանել նույն՝ ոչ դիվանագիտական խողովակի միջոցով։
Պատգամավորի կարծիքով՝ ավելի լավ կլիներ, եթե Թուրքիայում գտնվող մեր հայրենակիցները Հայաստան վերադառնային անմիջապես Թուրքիայից, ոչ թե Վրաստանի միջոցով, դա, ըստ նրա, ավելի լավ առաջարկ կլիներ։
