Նավթ արտահանող երկրների կազմակերպության բոլոր երկրները համաձայնել են նավթի արդյունահանման կրճատման նոր գործարքի պայմանների հետ, հաղորդում է Wall Street Journal-ը՝ հղում անելով աղբյուրներին։
«ՆԱԵԿ բոլոր անդամները համաձայն են կրճատել արդյունահանումը»,- գրում է պարբերականը։
Ավելի վաղ ՌԻԱ Նովոստիի աղբյուրը պատմել էր, որ ՆԱԵԿ-ի բոլոր երկրները ծրագրում են կրճատել արդյունահանումը մայիս-հունիս ամիսներին տասը միլիոն բարելով։ Արդյունքում սև ոսկու արտադրության ծավալների կրճատումը կնվազի շուկայի կայունացմանը զուգընթաց։ Այսպես, հուլիս-դեկտեմբեր ամիսներին արդյունահանման կրճատումը կկազմի արդեն օրական ութ միլիոն բարել, իսկ 2021 թվականի հունվարից մինչև ապրիլ՝ օրական վեց միլիոն բարել։
Գործակալության զրուցակիցը նշել է, որ համաձայնագրից դուրս են մնացել Իրանը, Լիբիան և Վենեսուելան։