Եվրոպան հույս ունի առաջիկա շաբաթների ընթացքում հաղթահարել ճգնաժամի սուր փուլը. շատ երկրներում COVID-19-ով նոր վարակների, հիվանդանոց ընդունման և մահվան դեպքերի աճը կայունորեն դանդաղում է: Սա վերաբերում է նաև Իտալիային և Իսպանիային, որտեղ զգույշ լավատեսությամբ սկսում են քննարկել կարանտինի թեթևացման և հասարակությանը գոնե մասնակիորեն բնականոն կյանքին վերադարձնելու տարբերակները: Հիմնական հարցն այն է, թե ինչպես կարելի է հեշտացնել ինքնամեկուսացման ռեժիմը՝ միաժամանակ թույլ չտալով զանգվածային վարակների նոր ալիք:
Իտալացիները սպասում են վարչապետ Ջուզեպե Կոնտեի ելույթին, որ պետք է հայտարարի, թե որքան կարող է տևել կարանտինը, և որ սահմանափակումները կվերանայվեն:
Քննարկվում են մի շարք առաջարկներ՝ արդյունաբերության որոշակի ոլորտներում աշխատանքի վերսկսման, իմունիտետի առկայության վկայականների տրամադրման և երիտասարդությանը աշխատանքի վերադարձնելու վերաբերյալ:
Անցած օրվա ընթացքում իտալացի բժիշկները մեկ ամսվա ընթացքում գրանցել են ապաքինվածների ռեկորդային ցուցանիշ`ավելի քան 2000, մահերի թիվը՝ 542:
Մայրցամաքի այս վիճակագրությունը ուշադիր դիտարկվում է: Իտալիայում համաճարակը սկսվել է երկու-երեք շաբաթ ավելի շուտ, քան եվրոպական այլ երկրներում, և վիրուսի դեմ պայքարի հաջորդ փուլին անցնելու հաջողությամբ հնարավոր կլինի դատել ձեռնարկված միջոցների արդյունավետության մասին: