Օհայոյի նահանգի համալսարանի (ԱՄՆ) աշխատակից Սանջա Իլիչը բացատրեց, թե ինչպես կարելի է անվտանգ գնել և պատրաստել սնունդ կորոնավիրուսի համավարակի ժամանակ, ինչպես նաև հերքել է սննդի միջոցով վիրուսի փոխանցման հնարավորության միֆը: Մասնագետի խորհուդները հրապարակել MedicalXpress-ը:
Իլիչը նշել է, որ ԱՄՆ կարգավորող մարմինները չեն հաղորդել կորոնավիրուսի տարածման դեպքեր սննդի կամ սննդի փաթեթավորման միջոցով: «Կորոնավիրուսը ստամոքս-աղիքային հիվանդություն չէ, COVID-19 ինֆեկցիան չի բազմանում սննդի վրա»,- ասել է գիտնականը: Մասնագետը նշել է, որ վիրուսները չեն բազմանում մակերեսների վրա, նրանք «կենդանի տիրոջ» կարիք ունեն: Այնուամենայնիվ, վերջին ուսումնասիրությունները ցույց են տվել, որ վիրուսները կարող են կենսունակ վիճակում լինել տարբեր մակերևույթների վրա մի քանի ժամ և նույնիսկ օրեր:
Սնունդ գնելիս Սանջա Իլիչը խորհուրդ է տվել հետևել սոցիալական հեռավորության կանոններին և լինել այլ մարդկանցից 2-2,5 մ հեռավորության վրա: Տուն վերադառնալուց հետո պետք է ձեռքերը լվանալ, հնարավորության դեպքում սառեցնել մթերքը, բանջարեղենն ու մրգերը լվանալ հոսող ջրի տակ: Նրա խոսքով՝ խորհուրդ է տրվում տաքացնել սնունդը 75 աստիճանից ոչ ցածր ջերմաստիճանում:
Եզրափակելով՝ բժիշկը նշել է, որ խանութներից առաքվող սննդի վերաբերյալ անհանգստությունն անհմն է։ Ըստ նրա՝ այս պահի դրությամբ տեղեկատվություն չկա խանութներից կամ ռեստորաններից առաքման ծառայություններով կորոնավիրուսի փոխանցման դեպքերի մասին: