Լուրեր
Պետք է տեղի ունենա պարգևավճարների ինստիտուտի վերանայում․ Տարոն Սիմոնյան
  • 09:45
  • 2020-04-10
  • Դիտումներ՝ *

Մենք այլ կերպ ենք ընկալում պարգևավճարը. դա լավ աշխատանքի համար հատուցում է: Այս մասին «Առաջին լրատվական»-ի հետ զրույցում նշեց ԱԺ «Լուսավոր Հայաստան» խմբակցության պատգամավոր Տարոն Սիմոնյանը:

Նրա խոսքով, եթե մարդը լավ աշխատանք է կատարում, նորմալ իր աշխատավարձը ստանում է, եթե մի բան էլ ավել է կատարում, այդ ժամանակ կարելի է խոսել պարգևավճարների մասին:

«Եթե պարգևավճարները որպես գործիք ենք օգտագործում, որ մեր ցանկալի աշխատողներին կամ կոնկրետ բարձրաստիճան պաշտոնյաներին ավելի շատ փող տանք, քան մյուսներին, սա արդեն ամբողջությամբ հիմնազուրկ է դարձնում պարգևավճար հասկացությունը:

Այլ բան է, որ մեր պետական ծառայողները քիչ աշխատավարձ են ստանում, պետք է աշխատավարձերը բարձրացնենք: Ես դրան կողմ եմ: Մենք բազմիցս ասել ենք, որ պետական աշխատանքն այսօր գայթակղիչ չի, որովհետև շատ ցածր են վարձատրվում և լավ մասնագետները չեն գնում պետական ոլորտ:Բայց կարծում եմ՝ սխալ է դա փորձել վերանայել միայն պարգևավճարի ինստիտուտի միջոցով»,-ընդգծեց Տարոն Սիմոնյանը:

  • Դիտումներ՝ *