ՀՀ փոխվարչապետ Մհեր Գրիգորյանը չի բացառում, որ կորոնավիրուսի հետևանքով ստեղծված իրավիճակի պատճառով Հայաստանի կառավարությունը կարող է մեծացնել պետական պարտքը։
Այս մասին Գրիգորյանն ասաց ապրիլի 9–ին հրավիրված մամուլի ասուլիսում։
«Չեմ բացառում և որևէ խնդիր չեմ տեսնում պետական պարտքն ավելացնելու հետ կապված։ Թվային գնահատականներ և պահեր սահմանել, ելնելով այն իրավիճակից, որ ունենք այսօր, կարծում եմ, դեռ վաղ է, որովհետև աշխարհում իրադարձություններն այնպես են զարգանում, որ որոշակի ժամանակ պետք է մեր անելիքները ճշգրտելու համար»,– ասաց Գրիգորյանը։
ՀՀ կառավարությունը կորոնավիրուսի տնտեսական և սոցիալական հետևանքների չեզոքացման 10 միջոցառում է հաստատել։