Մեծ Բրիտանիայի վարչապետ Բորիս Ջոնսոնի գրասենյակից հայտնել են նրա առողջական վիճակի մասին՝ կորոնավիրուսային վարակով հոսպիտալացվելուց հետո, հաղորդում է BBC-ն:
Գրասենյակի ներկայացուցիչը նշել է, որ քաղաքական գործիչը գտնվում է վերակենդանացման բաժանմունքում, բայց նրա վիճակը կայուն է և նկատելի է բուժման արդյունավետությունը:
Նա նաև հավելել է, որ Ջոնսոնը լավ տրամադրություն ունի և նշել է, որ վարչապետը ինքնուրույն է շնչում և թոքերի արհեստական օդափոխման սարքին միացնելու անհրաժեշտություն չկա:
Ներկայացուցիչը հայտարարել է, որ քաղաքական գործիչը չի աշխատում, բայց կապի մեջ է կառավարության որոշ անդամների հետ:
Կանցլեր Ռիշի Սունակը ճեպազրույցի ընթացքում հավելել է, որ Ջոնսոնը կարողանում է նստել մահճակալին, ինչպես նաև շփվել բժիշկների հետ:
