«Քարդաշյան ընտանիք» ռեալիթի շոուի աստղ Քիմ Քարդաշյան-Ուեսթը մեղադրվում է այն բանի համար, որ փորձում է հարստանալ` կորոնավիրուսի համավարակի ժամանակ նոր օծանելիքի շարք թողարկելով: Օծանելիքի գովազդային լուսանկարը հայտնվել է նրա Instagtam-ում:
39-ամյա հայտնին տեղադրել է մի գրառում, որում նա հայտարարել է KKW x KRIS բուրմունքի թողարկման մասին, որը ստեղծել է իր մոր՝ Քրիս Ջեների հետ համագործակցության արդյունքում․ օծանելիքն արժե 40 դոլար: Նա նաև նշել է, որ օծանելիքի ապրանքանիշը բարեգործական վաճառքից ամսական եկամուտի 20 տոկոսը կտրամադրի Blessings in the Backpack-ին, որը երեխաներին սնունդ է մատակարարում, քանի դեռ դպրոցները փակ են:
Բաժանորդները քննադատել են Քարդաշյան Ուեսթին՝ ճգնաժամի ժամանակ թանկ ապրանքատեսակ վաճառելու համար, երբ մարդիկ կորցնում են իրենց աշխատանքը և կարանտինի պատճառով չեն կարողանում դուրս գալ իրենց տներից: «Մարդիկ մեռնում են, Քիմ»: «Նվիրել միայն 20 տոկոսը՝ չնայած այն բանին, որ դու միլիոնատեր ես: Լո՞ւրջ», «Մարդիկ հիմա դրան չեն նայում, փող չունեն»: «Ինչու՞ ամբողջ եկամուտը չնվիրել հիվանդանոցներին»-, գրում են վրդովված օգտատերերն իրենց մեկնաբանություններում:
