Եթե Ապրիլյան պատերազմի հանգամանքներն ուսումնասիրող ԱԺ քննիչ հանձնաժողովի աշխատանքի արդյունքում մտահոգություններ են առաջացել տարբեր մարդկանց մոտ, հատկապես այն առումով, որ Սերժ Սարգսյանը որոշել է գալ, դա իրենց պրոբլեմն է, մենք շարունակելու ենք մեր աշխատանքը: Այս մասին «Առաջիօն լրատվական»-ի հետ զրույցում նշեց այդ հանձնաժողովի նախագահ Անդրանիկ Քոչարյանը՝ անդրադառնալով նրան, որ առաջին նախագահ Լևոն Տեր-Պետրոսյանը կոչ էր արել այս լարված իրավիճակում սառեցնել հանձնաժողովի աշխատանքը:
«Ուզում եմ հիշեցնել, որ նույն 2016 թվականին Սերժ Սարգսյանը նաև հյուրընկալվել էր Տեր-Պետրոսյանի առաձնատանը: Դա եղել է ապրիլի 8-ին կամ 9-ին: Երեկ ապրիլի 7-ն էր, գուցե ինչ-որ հիշողություններ կան, պայմանավորվածություններ խանգարում են… Սառեցնել, նշանակում է կանգնեցնել մի պրոցես, որը տանում էր դեպի հարցերի պատասխանները գտնելուն: Ես դա չեմ ընդունում: Ի դեպ, եթե նույն ճանապարհով գնայինք, «Մարտի 1»-ի փաստահավաք խմբի գործունեությունը իշխանությունները բռնի ձևով սառեցրեցին: Եվ Հայ ազգային կոնգրեսը, և նրա լիդերը ամեն ինչ անում էին, որ այդպիսի հարցերը չսառեցվեն»,.-ասաց Անդրանիկ Քոչարյանը: