Միջազգային ֆինանսական կառույցները պնդում են, որ համաշխարհային տնտեսությունն անկում է ապրում և, ցավոք, այն դեռ շարունակվելու է։ Համաշխարհային այս միտումներից անմասն չի մնում նաև Հայաստանը։ ՀՀ կառավարությունը մշակել է աջակցության մի քանի փաթեթ, որոնք կօգնեն տնտեսվարողին։
Ի՞նչ ոլորտներում եք գործունեություն իրականացնում․ «Առաջին լրատվական»-ի հարցին «Օլ Թրեյդ Քոմփնի» ՍՊԸ-ի հիմնադիր Արման Բաբաջանյանը պատասխանեց․ «Մեր ընկերությունը զբաղվում է գործիքների և դռան փականների ներմուծմամբ ու վաճառքով։ Բնականաբար, այս իրավիճակում ընկերության գործունեությունը սահմանափակված է։ Այս պահին փորձում ենք օնլայն տարբերակով փոքր ծավալով աշխատել»։
Իսկ «Սպիննակեր Գրուպ» ՍՊԸ-ի համահիմնադիր Նորայր Գևորգյանն ասաց․ «Մեր ոլորտն ունի երկու ուղղություն, այսինքն՝ ներգնա և արտագնա տուրիզմ և միջազգային բեռնափոխադրումներ։ Գիտենք, որ տուրիզմը հիմա ամբողջովին փակված է, սակայն բեռնափոխադրումներն այդ մասով օգնում են մեզ, որպեսզի կարողանանք շարունակել մեր աշխատանքը։ Սակայն բեռնափոխադրումներն էլ ունեն պրոբլեմ, որն այժմ, եթե մեկ բառով ասենք, ապա այն կապված է Վերին Լարսի հետ։ Որպեսզի դա հասկանանք, պետք վերլուծենք, թե Վերին Լարսն ինչպես է ընդունում հայկական բեռները և ինչպես է ճանապարհում ռուսական բեռները դեպի Հայաստան։ Այդ թեմայի շուրջ ես անդրադարձել եմ և մի փոքր հոդված եմ հրապարակել։ Որպեսզի հասկանանք, թե ինչու է այդպես, պետք է գնանք հեռավոր 2008 թվական՝ ռուս-վրացական պատերազմ (ինչու մեզ մնաց միայն Վերին Լարսը)»։
Մանրամասները՝ տեսանյութում։