ԱՄՆ նախագահ Դոնալդ Թրամփը հրամանագիր է ստորագրել, որը ամերիկյան ընկերություններին թույլ է տալիս Լուսնի եւ այլ երկրային մարմինների վրա օգտակար հանածոների մշակման աշխատանքներ տանել, այս մասին հաղորդում է ՏԱՍՍ-ը:
«Միացյալ Նահանգների քաղաքականությունը պետք է խթանի միջազգային աջակցությունը պետական և մասնավոր դերակատարներից տարածության մեջ ռեսուրսների արդյունահանման և օգտագործման համար», – ասվում է հրամանագրում:
Բացի այդ, հրամանագիրը պարունակում է դրույթ, որ տիեզերական տարածքը մարդկության ընդհանուր սեփականությունը չէ, և դրա նկատմամբ կկիրառվեն մասնավոր սեփականության իրավունքներ:
«Տիեզերական տարածքը, իրավական և ֆիզիկական տեսանկյունից, եզակի տարածք է մարդու գործունեության համար, և Միացյալ Նահանգները դա չի համարում որպես հանրային տիրույթ», – ասվում է փաստաթղթում:
Հրամանագիրը նաև շեշտում է, որ Միացյալ Նահանգները չի ընդունում Լուսնի և այլ երկնային մարմինների վրա պետությունների գործունեության մասին համաձայնագիրը, որն ընդունվել է ՄԱԿ-ի Գլխավոր ասամբլեայի 1979-ի դեկտեմբերին բանաձևով:
Լուսնի ուսումնասիրման նոր ամերիկյան ծրագիրը ենթադրում է տիեզերագնացների վայրէջք երկնային մարմնի մակերեսին ոչ ուշ, քան 2024 թվականը: Ծրագրի առաջին մասը` անօդաչու թռիչքը պետք է տեղի ունենա 2020 թվականի երկրորդ կեսին:
