Թուրքիայի նախագահ Ռեջեփ Թայիփ Էրդողանը երկրում բժշկական դիմակների վաճառքի արգելք է սահմանել, հաղորդում է ՏԱՍՍ-ը՝ թուրքական հեռուստատեսությանը հղումով:
Քաղաքացիները կկարողանան պաշտպանական միջոցներ ստանալ առանց դրանց համար վճարելու: «Տեղական իշխանությունները սկսել են անվճար բժշկական դիմակներ տրամադրել մեր քաղաքացիներին, որոնք համապատասխան հարցում են արել կամ «e-devlet»-ում (պետական պորտալ) կամ PTT փոստային ծառայության կայքում: Դիմակների վաճառքն արգելված է»,- ասել է Թուրքիայի ղեկավարը:
Ըստ ամերիկյան Ջոնս Հոփքինսի համալսարանի տվյալների, Թուրքիայում արձանագրվել է նոր տեսակի կորոնավիրուսով վարակի ավելի քան 27 հազար դեպք. ապաքինվել է մոտ 1000 մարդ, մահացել է 574 մարդ:
