Լուրեր
Խելահեղ բան է դրվում շրջանառության մեջ. Նախկինները առիթը բաց չեն թողնում իշխանությանը հարվածելու համար

Թվում էր, թե ներքաղաքական պայքարի թայմաութ է հայտարարված, սակայն այդպես չէ: «Կան կայքեր, որոնք անընդհատ աղավաղված, խեղաթյուրված  ինֆորմացիա, ապատեղեկատվություն են տարածում կառավարության իրականացվող ծրագրերի ու գործունեության մասին… Նկատելի է, որ ամեն օր մի խելահեղ տեղեկություն է դրվում շրջանառության մեջ մարդկանց ապակողմնորոշելու համար: Սա նշանակում է, որ կոմունիկացիան կաղում է, ինչը լրջագույն խնդիր է, և կառավարությունը պետք է իր հույսը դնի ճիշտ հաղորդակցության վրա»,- այս մասին «Առաջին լրատվական»-ի հետ զրույցում ասաց Հանրային խորհրդի նախագահ, քաղաքագետ Ստեփան Սաֆարյանը՝ անդրադառնալով վարչապետի՝ ուղիղ եթերում քաղաքացիների հետ այսօրվա հանդիպմանը:

Նրա խոսքով՝ երկիրը գտնվում է արտառոց իրավիճակում և հասարակության հետ կոմունիկացիայի խնդիրն այս իրավիճակում չի կարող լուծվել այնպես, ինչպես ստանդարտ իրավիճակներում. «Շատ կարևոր են սոցիալական այսպիսի շփումները քաղաքացիների հետ»:

«Կհիշեք, երբ կորոնավիրուսով վարակվածության դեպքերի թիվը երկու տասնյակ էր, և դեռ նոր պետք է հայտարարվեր արտակարգ դրություն, հնչում էին միասնականության կոչեր՝ հանուն երկրի և հասարակության, սակայն պարզվեց, որ դրանք, ցավոք, դեմագոգիկ կոչեր էին. նախկին իշխանություններն անգամ այս առիթը բաց չեն թողնում իշխանությանը հարվածներ հասցնելու համար»,- նշեց Ս. Սաֆարյանը՝ ընդգծելով, որ որևէ բանում իշխանությանը մեղադրելու համար հիմքում պետք է փաստեր լինեն, մինչդեռ մարդիկ կան, որոնք այս իրավիճակը դիտարկում են իբրև իշխանությանը վարկաբեկելու և թուլացնելու առիթ՝ առանց օբյեկտիվ հիմքերի, ստեղծելով կեղծ հիմքեր:

Մանրամասն՝ տեսանյութում:

  • Դիտումներ՝ *