Անգլիայի Առողջապահության ազգային ծառայության աշխատակիցը բացատրել է, թե ինչու են ռետինե ձեռնոցները անօգուտ կորոնավիրուսից պաշտպանելու համար: The Sun-ի լրագրողները նկատել են նրա տեսանյութը TikTok սոցցանցում:
Վիրաբույժ Կարան Ռանգարաջանը հայտարարել է, որ ձեռնոցները մարդկանց գիտակցության մեջ անվտանգության կեղծ զգացողություն են ստեղծում:
«Դուք ձեռնոցներ եք հագել և գնացել եք սուպերմարկետ, որտեղ շոշափում եք շատ բաներ, որոնց մակերեսին ապրում են մանրէերը: Դուք դուրս եք գալիս և շարունակում կրել այդ նույն ձեռնոցները՝ հավաքելով մանրէներ: Այժմ դրանք շատ ավելին կան կուտակված, քան կարելի էր ձեռք բերել, եթե ձեռքերը ավելի հաճախ լվանայիք», – ասում է բժիշկը:
«Հիշեք, որ հենց այդ ձեռքերով կբռնեք մեքենայի ղեկը, ապա պատահաբար դիպչեք ձեր դեմքին և ինքներդ ձեզ վարակեք»:
Ռանգարաջանը հավելել է, որ նույնիսկ ձեռնոցը հանելիս մարդը դիպչում է իր «վարակված» մակերեսին: Այսպիսով, ռետինե ձեռնոցներով քայլելու փոխարեն, նա խորհուրդ է տալիս հաճախ ձեռքերը լվանալ։