Անգլիական Պորտսմուտ բնակավայրի բնակիչը ինքնասպան է եղել, քանի որ իրեն շատ միայնակ է զգացել կորոնավիրուսի տարածման պատճառով երկրում խիստ մեկուսացման ռեժիմի ժամանակ: Այդ մասին հայտնում է The Sun- ը:
34-ամյա Դենիել Ֆերնիսը անհատականության երկբեւեռ խանգարում ուներ, որի պատճառով ծանր էր տանում միայնությունը: Նա մենակ էր ապրում, սակայն համավարակի սկսվելուց առաջ ամեն օր տնից դուրս էր գալիս, որպեսզի մոտակա այգում Pokemon Go խաղար ընկերների եւ եղբոր հետ:
Դրանից բացի, Ֆրենսիսը շաքարային դիաբետ ուներ: Երբ երկրում կորոնավիրուսի տարածման պատճառով կարանտին հայտարարեցին, նա ռիսկի խմբում էր եւ չէր կարող տնից դուրս գալ: Կարանտինի ժամանակ չդիմանալով միայնությանը, նա ինքնասպան է եղել:
Ֆրենսիսի 28-ամյա քույրը՝ Չելսին գտնում է, որ կարանտինի ժամանակ պետությունը բավարար կերպով հոգ չի տանում հոգեկան հիվանդություններ ունեցողների նկատմամբ: «Հուսով եմ, որ այն, ինչ տեղի ունեցավ Դենի հետ, կարող է այս խնդիրների վրա ուշադրություն հրավիրել»,- ասել է նա:
Միայն տղամարդու ծնողները և չորս եղբայրներն ու քույրերը կարող են մասնակցել նրա հուղարկավորությանը՝ խիստ մեկուսացման ժամանակահատվածում ներդրված արգելքների պատճառով: «Դանիելին շատերն էին սիրում և պաշտում … ցավալի է, որ այժմ, կորոնավիրուսի պատճառով, միայն մի քանի հոգի կարող են գալ նրա հուղարկավորությունը», – դժգոհել է Չելսին: