Երեք ռուսաստանցի զբոսաշրջիկներ ապրում են Թաիլանդի Փուքեթ կղզու լքված տաճարում այն բանից հետո, երբ թռիչքների չեղարկման պատճառով չեն կարողացել վերադառնալ հայրենիք, հայտնում է The Thaiger- ը:
Կայքը նշում է, որ կղզու իշխանությունները փորձում են օգնել զբոսաշրջիկներին: Փուքետի օդանավակայանը փակվել է կորոնավիրուսի տարածման դեմ պայքարի շրջանակներում:
Ինչպես նշում է Thaiger-ը, 31-ամյա Ալեքսեյը, 29-ամյա Նիկոլայը և 24-ամյա Սոֆիան ապաստարան են գտել ավերված եկեղեցում, որի հարթակներից մեկը նրանք վերածել են ժամանակավոր խոհանոցի: Զբոսաշրջիկները բնակարան վարձելու համար փող չունեն:
«Տեղի բնակիչները ռուսաստանցիներին տվել են մի քանի վրաններ, դիմակներ և արագ պատրաստվող սնունդ: Զբոսաշրջիկներին կորոնավիրուսի առկայության համար ստուգել են, արդյունքները բացասական են: Փուքետի իշխանությունները նրանց համար նորմալ բնակարան են փնտրում», – գրում է կայքը:
Ըստ ԶԼՄ-ների , Փուքեթում կարող են լինել 200-300 օտարերկրյա զբոսաշրջիկներ (այլ աղբյուրների համաձայն՝ 600-800), ովքեր մնացել են կղզում՝ միջազգային օդանավակայանի փակումից հետո: Փուքեթում հյուրանոցները նոր հյուրեր չեն ընդունում:
Ապրիլի լույս 4-ի գիշերը Ռուսաստանը դադարեցրել է իր քաղաքացիներին հայրենիք վերադարձնելու թռիչքները: Նրանք, ովքեր ցանկանում են վերադառնալ, պետք է պետական ծառայությունների միասնական կայքում հատուկ ձև լրացնեն: Հավաքված տվյալների հիման վրա շտաբը կազմելու է Ռուսաստանի տարածք քաղաքացիների արտահանման ժամանակացույց:
