Մարտի 23-ի երեկոյան Մեծ Բրիտանիայի վարչապետ Բորիս Ջոնսոնը երկրում երեքշաբաթյա կարանտին հայտարարեց և մի քանի օր անց ինքն էլ կորոնավիրուսի ախտորոշամամբ մեկուսացավ հասարակությունից:
Մեծ Բրիտանիայի ապագա թագավորն ու թագուհին որոշել են աջակցել նրանց, ում ուսերին համազգային ծավալների պատասխանատվություն է ընկել: Մի քանի օր է, ինչ արքայազն Ուիլյամը և Քեյթ Միդլթոնը զանգարահարում են Առողջապահության ազգային ծառայություն: Քեմբրիջի դուքսն ու դքսուհին շնորհակալություն են հայտնում բժիշկներին կատարած աշխատանքի համար՝ ոգևորելով նրանց։
Նախօրեին Քեյթը և Ուիլյամը զրուցել են Queen’s Hospital Burton և University Hospital Monklands հիվանդանոցների աշխատողների հետ:
«Մեր երկուսի անունից ուզում եմ ասել, որ մենք հպարտ ենք ձեզանից և թե որքան զարմանալիորեն եք կարողանում աշխատել այս ծայրահեղ պայմաններում: Ես գիտեմ, որ ձեզ համար դա պարզապես աշխատանք է, բայց իրականում այն, ինչ անում եք, շատ ավելի մեծ է, և դուք անում եք անհնարին բաներ: Ամբողջ երկիրը հպարտանում է ձեզնով:
Շնորհակալ եմ բոլոր ջանքերի և ժամերի համար, որոնք դուք նվիրել եք ձեր աշխատանքին»,- դիմել է բուժանձնակազմին Ուիլյամը:
☎️ “The whole country is proud of you, so thank you for everything you’re doing and all the hours you are putting in.” — The Duke and Duchess of Cambridge to staff at Queen’s Hospital Burton and University Hospital Monklands.#clapforkeyworkers @UHDBTrust @UHMonklands pic.twitter.com/B8RjNZVZto
— The Duke and Duchess of Cambridge (@KensingtonRoyal) April 2, 2020