Ամերիկյան փոփ երգչուհի Մադոնան մեկ միլիոն դոլար է նվիրաբերել Bill & Melinda Gates Foundation բարեգործական հիմնադրամի նախագծին, որը դեղամիջոցներ է փնտրում COVID-19 կորոնավիրուսի բուժման համար՝ հայտնում է Variety ամսագիրը՝ վկայակոչելով կազմակերպության ներկայացուցչին:
«Գումարները կուղղվեն COVID-19 արձագանքման հիմնադրամին, որը կառավարվում է Gates Philanthropy Partners հիմնադրամի գործընկերների, այլ ոչ թե հիմնադրամի կողմից», – ասել է կազմակերպության ներկայացուցիչը:
Երգչուհին իր կայքում հայտնել է, որ «միանում է Bill & Melinda Gates Foundation հիմնադրամի ջանքերին ՝ գտնելու COVID-19 կանխարգելման և բուժման համար դեղամիջոց»: Մադոնան նաև ասել է, որ «մեծ երախտագիտություն և ուժ է ուղարկում» բժիշկներին, գիտնականներին և առաջին բուժօգնության մասնագետներին: