Չնայած Թուրքիայում կորոնավիրուսի ներթափանցումն ու տարածումը կանխարգելող միջոցառումներին, այնուամենայնիվ, համավարակը տարածվել է ողջ երկրով մեկ։
Թուրքական լրատվամիջոցները հայտնում են, թե որտեղից է վարակը ներթափանցել Թուրքիա և ինչպես է տարածվել։
Նշվում է, որ վարակի տարածման մեջ իրենց մեղքի բաժինն ունեն այն անպատասխանատու քաղաքացիները, որոնք, վարակված լինելով հանդերձ, չեն հետևել զգուշացումներին։
Աղբյուրի փոխանցմամբ՝ վարակը Թուրքիայի խոշարագույն քաղաքներից Ստամբուլ և Իզմիր է անցել Եվրոպայից։
Երկրի կենտրոնական, արևելյան շրջաններում կորոնավիրուսը տարածվել է Սաուդյան Արաբիա կատարած ուխտագնացությունից (ումրա-փոքր հաջ, ուխտագնացություն՝ մուսուլմանների համար) վերադարձած Թուրքիայի քաղաքացիներից, հարավ-արևելյան և արևելյան շրջաններում՝ Իրանից և Իրաքից, միջերկրածովյան և սևծովյան շրջաններում՝ Եվրոպայից և Թուրքիայի խոշորագույն քաղաքներից։
