ԱԺ պատգամավոր Արման Բաբաջանյանը ֆեյսբուքյան իր էջում գրել է.
Կորոնավիրուսի համավարակը բոլորիս համար առիթ էր հասկանալու, թե իրականում ինչ իրավիճակում է գտնվում մեր առողջապահական համակարգը: Պատկերը, մեղմ ասած ուրախալի չէ: Հայաստանի առողջապահական համակարգը գտնվում է չափազանց վատ, չափազանց թույլ իրավիճակում, ինչը, առաջին հերթին պայմանավորված է նախորդ տարիներին պետական կառավարման համակարգում, այդ թվում առողջպահական ոլորտում բույն դրած համակարգային կոռուպցիայով, վատնումներով, պետական գնումների ու պետպատվերի ստվերային մեխանիզմներով և այլն:
Բայց, ինչպես ասում են, ունենք այն, ինչ ունենք: Եվ այս օրերին ուղղակի քննադատությունների, էժանագին պոպուլիզմի ու առանց այն էլ բոլորին հայտնի փաստերը հայուրերորդական անգամ բարձրաձայնելու փոխարեն բոլորս անհատապես և հավաքականորեն պարտավոր ենք առնվազն գույքագրել առողջապահական համակարգում առկա հիմնարարար ու ընթացիկ խնդիրները՝ կորոնավիրուսի համավարակի ամբողջական հաղթարհարաումից հետո դրանք քաղաքական օրակարգ բերելու, դրանց հիման վրա առողջապահական համակարգին հատկացվող միջոցների համամասնությունները վերաբաշխելու, նոր առաջնահերթություններ ու գերակայություններ որոշելու համար:
Դրա փոխարեն նախկին իշխանության մնացորդներ և նրանց կողմից անհաջող կերպով բուծված շրջանակներ, զբաղված են որևէ արդյունք, որևէ օգուտ ու էֆեկտիվություն չունցող քննադատությամբ, որը, վստահաբար հանրության կողմից չի կարող դրականորեն ընդունվել: Խնդիրն այն չէ, որ չպետք է քննադատել իշխանությանը, նրա գործողությունները։ Ամենևին ոչ:
Սակայն այդ քննադատությունը գոնե այս փուլում, համավարակի հետ փաստացի պատերազմական այս իրավիճակում պետք է ուղեկցվի գործով, աշխատանքով, նոր մտքերի ու գաղափարների գեներցամամբ, որը անգամ քննադատական լինելով կարող է օգտակար լինել կորոնավիրուսի դեմ պայքարում: Սակայն այս շերտերը ընտրել են այլ ուղի, իրականում որևէ տեղ չտանող ուղի և վստահաբար հանրությունը համարժեք կգնահատի նրանց այդ գործելաոճը:
Ակնհայտ է, որ կորոնավիրուսի համավարակի հաղթահարումից հետո աշխարհի բոլոր երկրներում, բոլոր քաղաքական օրակարգերում առոջղապահական ոլորտին վերաբերող խնդիրները գալու են առանջային պլան և առողջապահությունը երկար ժամանակ դառնալու է քաղաքականության անբաժանելի ուղեկիցն ու բաղկացուցիչը: Դա վերաբերում է նաև Հայաստանին, որտեղ առողջապահական համակարգում հսկայական աշխատանքի անհրաժեշտություն կա: Եվ համավարակային այս օրերը այդ առումով հնարավարություն են արձանագրելու ու զատորոշելու բոլոր այն խնդիրները, որոնց լուծմամբ մենք պետք է զբաղվենք համաճարակին հաղթելուց հետո բավական երկար ժամանակ:
Հասունացեք մի փոքր։
Առողջություն բոլորիս։ ։
https://www.facebook.com/photo.php?fbid=3348187485210359&set=a.486170231412113&type=3&theater