Թուրքիայում ապրիլի 2-ի դրությամբ Covid-19 մահացել է ևս 79 մարդ։ Այս մասին Twitter-ի իր էջում հայտնել է Թուրքիայի առողջապահության նախարար Ֆահրեթին Քոջան։
Նրա տեղեկություններով, 24 ժամվա ընթացքում իրականացված 18.757 թեստի արդյունքում հաստատվել է կորոնավիրուսով վարակվելու 2456 դեպք և մահվան 79 դեպք։ 1101 մարդ գտնվում է վերակենդանացման բաժանմունքում։ Վերջին 24 ժամում ապաքինվել է 82 հիվանդ։
Ընդհանուր առմամբ, Թուրքիայում արձանագրվել է կորոնավիրուսով վարակվելու 18135 դեպք և մահվան 356 դեպք։ Ընդհանուր առմամբ կատարվել է 125556 թեստավորում և ապաքինվել է 415 հիվանդ։