Լուրեր
Բոլորը այստեղ շատ զգույշ են. պատմում է Սինգապուրից մեր հայրենակիցը

«Բոլորը այստեղ շատ զգույշ են. ամենուր պահպանում են 1 մետր հեռավորությունը, ամենուրեք ամեն ինչ ախտահանվում է, լվացվում, և բոլորը կարգապահորեն կանոնավոր հետևում են այն ամենին, ինչ կառավարությունն է ասում»,- «Առաջին լրատվական»-ին փոխանցեց Սինգապուրից մեր հայրենակից Անի Ումեդյանը՝ խոսելով այն մասին, թե ինչպես է այդ երկրում վերահսկվում և կանխարգելվում կորոնավիրուսի տարածումը:

Նա հավելեց, որ իհարկե տնտեսությունը ծանր վիճակում է. «Շատերը ռեստորաններ չեն այցելում, կինոթատրոնները, համերգասրահները, երաժշտական դպրոցները, սպորտային կենտրոնները  փակ են, բայց իհարկե թվում է, թե ամեն ինչ նորմալ է. երեխաները, ինչպես միշտ, դուրս են գալիս, խաղում են, սպորտով են զբաղվում: Միաժամանակ բաց են դպրոցները, երեխաները գնում են դպրոց»:

Տիկին Ումեդյանը հավելեց, որ մինչ այս Սինգապուրում եղել է 900 հիվանդ, որից 3-ն է մահացել. «Այստեղ ևս գործում է այն օրենքը, ընդ որում՝  առանց մարդկանց կարծիքը հարցնելու, որ ընդունեցին Հայաստանում. ամեն րոպե վերահսկվում է մարդկանց կացությունը: Դա արվել է նրա համար, որպեսզի հիվանդության վերահսկման համար իմանան, թե որ մարդը որ ժամին որտեղ է եղել»:

 

Մանրամասն՝  տեսանյութում:

  • Դիտումներ՝ *