«2016թ. ապրիլին Ադրբեջանը բլից պատերզմով փորձում էր շոշափելի առաջընթաց ունենալ: Այն ժամանակ ուներ Ռուսաստանից ձեռք բերված հզոր զենք, բայց բարեբախտաբար չկարողացավ լիովին օգտագործել, փորձում էին խուճապ առաջացնել՝ մտածելով, որ առաջին հերթին խաղաղ բնակչությունը կտեղաշարժվի, իսկ բանակն առանց իր թիկունքում խախաղ ժողովուրդ ունեալու, դժվար կարող էր պահել դիրքերը: Բայց, կարծում եմ, Ադրբեջանը շատ զարմացավ՝ տեսնելով մեծ դիմադրություն մեր տղաների կողմից»,- «Առաջին լրատվական»-ի հետ զրույցում ասաց ԱԺ «Իմ քայլը» խմբակցության պատգամավոր Հովհաննես Իգիթյանը:
«Մենք առանձին-առանձին գիտենք զոհված տղաներից ամեն մեկի պատմությունը. նրանցից յուրաքանչյուրի պատմությունը հերոսական պատում է այն մասին, թե ինչպես է կռվել, ինչպես է պահել դիրքը: Ադրբեջանը այդպիսի բան չէր սպասում: Եվ թեկուզ այդքան զոհեր տալով, կարծում եմ, որ մենք հաղթանակ տարանք, Ադրբեջանը չկարողացավ հասնել իր նպատակին»,- նշեց Իգիթյանը՝ նաև ընդգծելով, որ մեր կորուստները կարող էին քիչ լինել:
Մեր զրուցակցի խոսքով՝ Ապրիլյան պատերազմից հետո թե՛ Մինսկի խմբի, թե՛ տարբեր երկրների հայտարարություններում նշում են, որ կոնֆլիկտը պետք է խաղաղ ճանապարհով լուծում ստանա. «Այսինքն՝ խաղաղ ճանապարհն այդ պատերազմից հետո շեշտակի դարձավ, և նշվում է, որ այլ ճանապարհ, քան խաղաղ լուծումը, գոյություն չունի»:
Անդրադառնալով դիտարկմանը, որ Յուրի Խաչատուրովը հրավերը մերժել է և չի ներկայացել Ապրիլյան պատերազմի հագամանքներն ուսումնասիրող հանձնաժողով՝ հիմնավորելով, որ ինքն արդեն պաշտոնյա չէ, Հովհաննես Իգիթյանը նշեց, որ որոշ դեպքերում չներկայանալը և հարցերին չպատասխանելն ավելի մեծ ինֆորմացիա է տալիս, քան գալ-պատասխանելը. «Այլ մարդկանց ցուցմունքներից պարզ կլինի նաև Խաչատուրովի դերակատարությունը»:
Անդրադառնալով դիտարկմանը, որ Ազգային ժողովում ըննդիմության կողմից մեծ դիմադրության արժանացավ քաղաքացիներին տեղորոշելու մասին նախագիծը, պատգամավորն ընդգծեց, որ զարմացած է, որ այդպիսի համառությամբ ընդդիմությունը պայքարեց այդ օրենքի դեմ: «Արտակարգ դրությամբ մենք մարդու իրավունքի ավելի շեշտակի սահմանափակումներ ենք արել, և ընդդիմությունը կողմ է քվեարկել, իսկ այս նախագծով մարդու կյանքի իրավունքի հետ առնչվող հարցն է շոշափվում: Եթե գնում ենք այդ քայլին, չի նշանակում, որ պակաս ժողովրդավար ենք… Այս նախագծի իմաստն այն է, որ հնարավորինս շուտ հայտնաբերվեն այն մարդիկ, ում հետ հիվանդը շփվել է… Թիվ մեկ արժեքը մարդու կյանքն է…»:
Մանրամասն՝ տեսանյութում: