«Թալիբան» շարժումը պատրաստ է հրադադար հաստատել Աֆղանստանի իր ենթակայության տակ գտնվող այն տարածքներում, որտեղ կորոնավիրուսային COVID-19-ի բռնկումներ կլինենը, հայտնում է Associated Press (AP) -ը ՝ վկայակոչելով «Թալիբանի» ներկայացուցիչ Զաբիուլլահ Մուժահիդին:
«Եթե, Աստված մի արասցե, բռնկում տեղի ունենա այն տարածքներում, որոնք մենք ենք վերահսկում, մենք կդադարենք այնտեղ պատերազմել», – ասել է նա գործակալությանը:
AP- ն նշում է, որ հայտարարությունը հետևել է Աֆղանստանում հակամարտող կողմերին արված ՄԱԿ-ի Անվտանգության Խորհրդի կոչին՝ անհապաղ դադարեցնել ռազմական գործողությունները՝ կորոնավիրուսի սպառնալիքի պատճառով և ապահովել մարդասիրական բեռների առաքումն ամբողջ երկրում:
Ավելի վաղ «Թալիբանը» հայտարարել էր, որ իրենք երաշխավորում են բժիշկների և մարդասիրական աշխատողների անվտանգությունը թալիբների կողմից վերահսկվող տարածքներում իրենց գործուղումների ժամանակ՝ օգնելով զսպել կորոնավիրուսի տարածումը:
Սակայն գործակալությունը նշում է, որ անհասկանալի է, թե ինչ մասշտաբի պետք է տարածվի կորոնավիրուսը տվյալ շրջանում, որպեսզի թալիբները համաձայնեն հրադադար հաստատել: Թալիբների հայտարարությանը դեռեւս չի արձագանքել Աֆղանստանի կառավարությունը:
Ավելի վաղ Աֆղանստանում հայտնաբերվել էր կորոնավիրուսային վարակի 196 դեպք: 24 հիվանդ մահացել է:
