Tuesday, 19 03 2024
Եթե նախկինում հնարավոր էր ընտրություն կատարել, այսօր չկա այլընտրանք, քան Եվրոպան
Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ. «Ժողովուրդ»
Հանրահավաքը կպառակտի՞, թե՞ կմիավորի. «Հրապարակ»
Ռուսները նախազգուշացնում են՝ գենոցիդ ենք անելու
Ինչ է քննարկվել ՔՊ խմբակցության փակ նիստում. «Հրապարակ»
«Ներքին գործերի նախարարությունը 89 հատ թանկարժեք ժամացույց է գնել. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում. «Ժողովուրդ»
ՀՀ իշխանություններն իրականում չեն պատրաստվում խզել ՌԴ-ի հետ որեւէ միջպետական պայմանագիր. «Հրապարակ»
Փաշինյանը պաշտոնա՞նկ կանի Շիրակի մարզպետին. «Ժողովուրդ»
Նիկոլ Փաշինյանն ապահովագրում է իրեն Ա եվ Բ պլանների համա՞ր
Հանրապետության նախագահն ընդունել է ֆրանսիացի մտավորականների
Պուտինը ՌԴ նախագահի թեկնածուներին առաջարկել է համատեղ աշխատել
Եթովպիայում ՀՀ դեսպանն իր հավատարմագրերն է հանձնել երկրի նախագահին
Հայաստանի և Մալթայի ԱԳ նախարարությունների միջև անցկացվել են առաջին քաղաքական խորհրդակցությունները
Վարչապետը տիկնոջ հետ ներկա է գտնվել «…և նորից Գարուն» ներկայացմանը
00:07
Բայդենը Նեթանյահուին հայտնել է Իսրայելի ռազմական ծրագրերի վերաբերյալ մտահոգությունների մասին
Էրդողանը շնորհավորել է Պուտինին
00:03
ԱՄՆ-ն չի շնորհավորի Պուտինին ընտրություններում հաղթանակի կապակցությամբ
Եղանակային պայմանները ՀՀ ավտոճանապարհներին
Արա Աբրահամյանի ներկայացուցիչը 20-ամյա երիտասարդի է ծեծի ենթարկել
Փաշինյանը փոխզիջման օրինակ է ծառայում․ 31 գյուղի հեկտարները կվերադարձվե՞ն
Մեր քաղաքականությունն է թույլ չտալ պատերազմ. Նիկոլ Փաշինյանը Ոսկեպարում էր
ՌԴ նախագահի ընտրության բուն ինտրիգը նոր է սկսվում
Երթուղայինի վարորդը և կանգառում սպասող կինը հարվածներ են հասցրել միմյանց
ՆԱՏՕ-ն նախապատվությունը տալիս է Բաքվի՞ն․ Ստոլտենբերգի «անհամաչափ» օրակարգը
«Վերընտրված» Պուտինը և հայկական պետականությունը անհամատեղելի են
Այս պատմական անողնաշարությունը չի ներվելու հենց պատմության կողմից
Քննարկել ենք ԼՂ-ից բռնի տեղահանումից հետո Հայաստանում և տարածաշրջանում ստեղծված անվտանգային մարտահրավերները. Նարեկ Մկրտչյան
Մի քանի լարի վրա չենք խաղում. իրավունք չունենք երկիրը բախտախնդրության տանելու

Ալիևը խոստովանել է՝ վիճակը լուրջ է

Ադրբեջանի նախագահ Ալիևը այդ երկրի էկոնոմիկայի նախարարի հետ հանդիպմանը խոստովանել է, որ նավթի համաշխարհային գնի կտրուկ անկումը կարող է լուրջ խնդիրներ առաջացնել Ադրբեջանի տնտեսության համար: Նա հանձնարարել է ուժեղացնել պայքարը ստվերի դեմ: Իհարկե, մի շարք օֆշորային միջազգային սկանդալների անփոփոխ հերոս Ալիևի շուրթերից ստվերի դեմ պայքարի մասին լսելը ծիծաղ կառաջացնի որևէ մեկի, այդ թվում՝ ադրբեջանական հանրության մոտ, բայց դա, իհարկե, նրանց խնդիրն է: Այն, որ Ադրբեջանի նախագահը հրապարակավ է խոստովանում նավթի գնանկման հետևանքով տնտեսության լուրջ հարվածի մասին, արդեն իսկ խոսում է, թե որքան լուրջ է իրավիճակն Ադրբեջանում, որ Ալիևը չի կարող կոծկել և չխոստովանել խնդիրները: Միաժամանակ, սակայն, խորքային խնդիրը հենց ստվերի դեմ պայքարն է, որի մասին խոսում է Ալիևը: Ինչ է դա նշանակում, այսպես ասած, ամբողջատիրական լեզվից թարգմանաբար: Դա նշանակում է, որ Ալիևը բարձրաձայնում է Ադրբեջանում իշխանության գինը կամ, այսպես ասած, փոփոխությունների գինը, և իշխող համակարգի համար այն վճարելու անհրաժեշտությունը:

Բանն այն է, որ նավթի գնանկումը և նավթադոլարների նվազումը Բաքվի համար սրում է այդ հարցը, հետևաբար նաև իշխող համակարգի կայունության հարցը: Իսկ քանի որ այդ համակարգն արդեն իսկ գտնվում է բավականին անկայուն, տրանսֆորմացիոն, ներկլանային պայքարի շրջանակում, առնվազն մոտ վերջին երեք-չորս տարիների ընթացքում, ապա նավթի գնանկումը և տնտեսական բարդությունը կարող է պարզապես առավել թեժացնել այդ պայքարը: Դրա արդյունքում Ադրբեջանում պաշտոնանկ են եղել դեռևս հայր Ալիևի շրջանից եկող ներքին քաղաքական, իշխանական խոշոր շնաձկներ՝ նախիջևանյան կլանից: Դրանց հեռացումը, անկասկած, Փաշաևների կլանի հաջողությունն է, որը Ադրբեջանի նախագահի պաշտոնում տեսնում է Մեհրիբան Ալիևային: Իլհամ Ալիևը ավելի ու ավելի քիչ ռեսուրս ունի այդ գործընթացին դիմադրելու համար: Նրա հույսը, թերևս, աշխարհաքաղաքական կոնյունկտուրան է, որը, սակայն, բոլորովին նպաստավոր չէ:

Ստվերի դեմ պայքարի մասին հայտարարությունը վկայում է, որ Ալիևը չի հանձնվելու և փորձելու է գրոհել: Կասկածից վեր է, որ պայքարը առաջին հերթին վերաբերելու է իշխող համակարգում ոչ յուրայիններին, այսինքն՝ Փաշաևների կլանի դիրքերին: Որքան կհաջողվի, պարզ չէ, սակայն ամբողջատիրական համակարգերում այդօրինակ գործընթացները, որքան էլ միտված են լինում կռությունը վերականգնելուն, այդուհանդերձ, ավելի քայքայում են համակարգերը: Դրա վկայությունն այն էր, ինչ Հայաստանի կառավարող համակարգում տեղի էր ունենում վերջին 10-12 տարիներին՝ այդ համակարգի համար վերջին: 2006-07 թվականից սկսած՝ Հայաստանում պայքար էր ներքին փոփոխությունների գինը վճարելու համար: Քանի որ Հայաստանը չուներ նավթ ու գազ, այստեղ համակարգի ռեսուրսները սկսեցին սպառվել ավելի վաղ, առաջ բերելով ներքին վերափոխման հրամայական կյանքը երկարաձգելու համար: Եվ, եթե Ադրբեջանում պայքարը Ալիևների և Փաշաևների կլանների միջև է հիմնականում, Հայաստանում պայքարը Սերժ Սարգսյանի և Ռոբերտ Քոչարյանի միջև էր: Այդ պայքարը համակարգային վերափոխման միջոցով կառավարման համակարգի կյանքը երկարաձգելու գնի համար էր, որը ոչ ոք չէր ուզում վճարել, չունենալով բացարձակ իշխանության աներկբա երաշխիք:

Ի վերջո, հանգուցալուծումը եղավ թավշյա հեղափոխությունը: Ադրբեջանի համակարգը գնում է դեպի այդ իրավիճակ, այսինքն՝ կանգնած է դրան տանող ճանապարհին: Ալիևին կհաջողվի՞ խուսափել վատթարից: Բանն այն է, որ թավշյա հնարավորություն նա թերևս չունի, որովհետև, այդուհանդերձ, Հայաստանի և Ադրբեջանի համակարգերը և հանրության հետ հարաբերությունը ունեցել են էական տարբերություններ՝ տվյալ դեպքում հօգուտ Հայաստանի համակարգի: Հայաստանում, այդուհանդերձ, թավշյա հեղափոխությունը հնարավոր էր, որքան էլ հանրության համար անսպասելի: Ադրբեջանում իշխող վարչակարգը գործնականում բացառել է դրա հնարավորությունը, ըստ այդմ, միակ ելքը մնացել է իշխանության փոխանցումն Ալիևից Ալիևային: Ըստ երևույթին, Բաքվում մոտենում է դրա եզրափակիչ փուլը, և Ալիևը դրա համար է նաև կորոնավիրուսը օգտագործում ընդդիմությանը և հանրային բողոքի օջախերը ճնշելու համար: Որովհետև, անգամ Ալիևից Ալիևա անցումը Ադրբեջանի համար ունի ռիսկեր, ընդ որում՝ աշխարհաքաղաքական, քանի որ այս ընթացքում բավականին նկատելի է, որ գոնե առայժմ այդ անցումը դուր չի գալիս Անկարային:

Բաժիններ
Ուղիղ
Լրահոս
Որոնում