Բելառուսը մտադիր է ապրիլին Ռուսաստանից 2 մլն տոննա նավթ գնել բարելի համար վճարելով 4 դոլար: Այս մասին հայտարարել է հանրապետության վարչապետ Սերգեյ Ռումասը:
«Ինչ վերաբերում է պարգեւին, ես կարող եմ կրկնել այն, ինչ ասել եմ երկու շաբաթ առաջ. Ռուսական նավթի մատակարարումները կլինեն առանց պարգեւների: Սա պետության ղեկավարի կոշտ և հետևողական որոշումն է: Այս որոշման արդյունքում ապրիլին մենք նավթը գնելու ենք բարելի համար վճարելով 4 դոլար», վարչապետի խոսքերն է մեջբերել tut.by կայքը:
Ռումասը ենթադրել է, որ «Բելնեւթխիմ» ընկերությունն «այսօր կավարտի ռուսական ընկերությունների հետ տարվող բանակցությունները ապրիլին մատակարարվելիք նավթի շուրջ»: «Մենք ծրագրում ենք 2 մլն տոննա նավթ ստանալ»,- ասել է նա:
Այս տարվա սկզբին Բելառուսը դադարեցրեց ռուսական նավթի գնումը՝ պահանջելով գնի բանաձևում փոփոխություն կատարել: Ըստ բանաձեւի, բելառուսական վերամշակման գործարանները պարգեւ են վճարել ռուս մատակարարներին`հումքն առանց մաքսատուրքի ստանալու համար: Պարգեւի չափը համաձայնեցվել է անհատապես յուրաքանչյուր ընկերության համար, բայց այն հասել է առավելագույնը 12 դոլար մեկ տոննայի համար: Բելառուսական վերամշակման գործարաններին հումքի մատակարարումը չի դադարեցրել միայն «Սաֆմար» ընկերությունը: Բացի այդ, Բելառուսը շարունակում է նավթ գնել տրեյդերներից՝ այն մատակարարելով Կլայպեդա նավահանգստով, ինչպես նաև ադրբեջանական նավթ է մատակարարում Օդեսայի նավահանգստով և Օդեսա-Բրոդի խողովակաշարով: