Կամբոջայում ամերիկացի զբոսաշրջիկը ձերբակալվել է թղթադրամը թքոտելու և այն բանկոմատում թողնելու համար: Միջադեպի տեսագրությունը հրապարակել է Daily Mail-ը:
Կադրերում երևում է, թե ինչպես է 64-ամյա զբոսաշրջիկը մատը լիզում, գրպանից հանում 10 դոլարանոց թղթադրամը և այն թողնում բանկոմատում ու հեռանում: Տղամարդուն բռնել են հսկիչ տեսախցիկների ձայնագրությունների շնորհիվ. թղթադրամը հայտնաբերել են բանկի աշխատակիցները և ոստիկանություն ու բժիշկներ կանչել:
Պարզվել է, որ հանցագործը ԱՄՆ քաղաքացի է՝ Լյուիս Ջեֆրի Քուկ անունով: Տղամարդուն ձերբակալել են, չնայած այն հանգամանքին, որ կորոնավիրուսի ախտորոշման նրա թեստը բացասական է եղել, իսկ թղթադրամը՝ կեղծ: Բանկի շենքն ախտահանվել է:
Առողջապահության համաշխարհային կազմակերպության տվյալներով, Կամբոջայում գրանցվել է կորոնավիրուսով վարակի 107 դեպք, չորս մարդ մահացել է: