Կորոնավիրուսային համավարակը ոչնչացրեց ԱՄՆ ներկայիս նախագահ Դոնալդ Թրամփի հակառակորդների ծրագրերը, ըստ որոնց՝ Թրամփը պարտություն էր կրելու գալիք ընտրություններում: Այս մասին գրում է Politico-ն:
Հրապարակման համաձայն՝ ԱՄՆ-ի Դեմոկրատական կուսակցությունը գործնականում կորցրել է վերահսկողությունը իրավիճակի վրա. վարակի արագ տարածման համատեքստում Թրամփի վերընտրումը կախված կլինի բացառապես ճգնաժամին նրա արձագանքի արդյունավետությունից: Այս պահին՝ ընտրություններից յոթ ամիս առաջ, ներկայիս պետության ղեկավարի գործողությունների հավանության վարկանիշը միայն աճում է: Հավանաբար, հետագայում, կարծում է Politico-ն, Թրամփին աջակցության ցուցանիշը, այնուամենայնիվ, որոշ չափով կնվազի այն վնասի պատճառով, որ արդեն հասցրել է հասցնել համաճարակը ամերիկյան տնտեսությանը, բայց դա տեղի կունենա առնվազն մի քանի ամիս անց, մինչդեռ դեմոկրատներն արդեն զգում են կորոնավիրուսի բացասական ազդեցությունը:
