Տղամարդկան օրգանիզմը ավելի ծանր է տանում կորոնավիրուսը, քան կանանց օրգանիզմը: Այս մասին հայտնում է NZZ-ը՝ վկայակոչելով Համբուրգի (Գերմանիա) համալսարանի Հայնրիխ Պետեի անվան փորձարարական վիրուսաբանության և իմունոլոգիայի ինստիտուտի մասնագետին ՝ Մարկուս Ալթֆելդին:
Ըստ նրա՝ կենսաբանական գործոնները ազդում են հիվանդության ընթացքի վրա:
Հայտնի է, որ տղամարդիկ և կանայք նույնպես տարբեր կերպ են տանում ՄԻԱՎ-ը կամ հեպատիտը: Ըստ Ալթֆելդի՝ կնոջ իմունային համակարգը ավելի արագ և ագրեսիվորեն արձագանքում է հիվանդության հարուցիչներին իր զգայունության պատճառով՝ դրանով իսկ նվազեցնելով սրման վտանգը:
Ենթադրվում է, որ էվոլյուցիայի պատճառով կանանց օրգանզիմը ավելի ուժեղ է:
Նաև տղամարդիկ չունեն կանանց հորմոնի՝ էստրոգենի այդպիսի բարձր քանակ, որն օգնում է ամրապնդելու իմունային համակարգը: