Մոնակոյի իշխան Ալբերը բուժվել է կորոնավիրուսից: Այս մասին Մոնակոյի թագավորական պալատը հաղորդագրություն է տարածել:
«Իշխանը համարվում է ապաքիված և իրեն լավ է զգում»,- ասվում է հաղորդագրության մեջ:
Հաղորդագրությունում նաև նշված է, որ իշխանը մտադիր է շարունակել պահպանել ինքնամեկուսացման ռեժիմը, բայց արդեն իր ընտանիքի հետ:
Հիշեցնենք, որ Մարտի 19-ին հայտնի էր դարձել, որ Մոնակոյի իշխանը վարակվել է կորոնավիրուսով: