«Ժամանակ» թերթը գրում է. «ԱԺ «Իմ քայլը» խմբակցության պատգամավոր Վահագն Հովակիմյանը հանդես է եկել «Հանրաքվեի մասին» օրենքում փոփոխություն կատարելու մասին օրենսդրական նախաձեռնությամբ: Նա առաջարկում է օրենքում ամրագրել դրույթ, որով կկանոնակարգվի արտակարգ դրության իրավական ռեժիմի հաստատման պատճառով կասեցված հանրաքվեի անցկացման կարգը:
Առաջարկվում է օրենքում ավելացնել այսպիսի դրույթ. «Ռազմական կամ արտակարգ դրության պատճառով կասեցված հանրաքվեն անցկացվում է ռազմական կամ արտակարգ դրության ավարտից ոչ շուտ, քան 50, և ոչ ուշ, քան 65 օր հետո: Ռազմական կամ արտակարգ դրության ավարտից հետո` եռօրյա ժամկետում, Հանրապետության նախագահը ընդունում է հրամանագիր, որով նշանակվում է կասեցված հանրաքվեի գործընթացը մեկնարկելու օրը և քվեարկության օրը, որը պետք է լինի կիրակի»:
Առավել մանրամասն՝ թերթի այսօրվա համարում:
