Սիրիական քրդերը պատրաստ չեն կորոնավիրուսի դեմ պայքարին և միջազգային կազմակերպություններից օգնություն չեն ստացել, հայտարարել է «Սիրիական դեմոկրատական խորհրդի» ներկայացուցիչ Բասամ Սաքերը, հաղորդում է ՌԻԱ «Նովոստին»։
«Սիրիայի հյուսիսային և արևելյան հատվածները շատ վտանգավոր իրավիճակում են գտնվում։ Մենք օգնության կարիք ունենք միջազգային հանրության կողմից, սակայն մենք մինչ օրս որևէ օգնություն կամ աջակցություն չենք ստացել։ Մեր տարածաշրջանը անգամ կորոնավիրուսի թեստեր անցկացնելու հնարավորություն չունի, և խոսք անգամ լինել չի կարող արդյունավետ բուժման կամ հիվանդների մեկուսացման մասին»,- հաղորդել է Սաքերը։
Նրա խոսքերով, Սիրիայի քրդերն արդեն մի քանի շաբաթ է ինչ օգնության կոչերով դիմում են ՄԱԿ-ին, Առողջապահության համաշխարհային կազմակերպությանն ու միջազգային այլ կազմակերպությունների։ «Չնայած մեր ծայրահեղ կարիքին, մենք բացարձակ ոչ մի օգնություն կամ աջակցություն չենք ստացել»,- նշել է նա։
