Լուրեր
Լրջանալ է պետք. իշխանությունը տապալված տեսնելու մարմաջով ապրող ուժերը փնտրում են այսպիսի իրավիճակներ. Արման Բաբաջանյան
  • 22:38
  • 2020-03-31
  • Դիտումներ՝ *

Այսօր՝ մարտի 31-ին, Ազգային ժողովում հրավիրվել է  արտահերթ նիստ: Օրակարգում դարձյալ Արտակարգ դրության իրավական ռեժիմի մասին օրենքում լրացումներ կատարելու մասին օրենքի նախագիծը 2-րդ ընթերցմամբ ընդունելու մասին հարցն է:

Անկախ պատգամավոր Արման Բաբաջանյանը հարց բարձրացրեց նիստին ներկա պարետի առաջ. «Ի՞նչ կարող է անել այս օրինագիծը այն պայմաններում, երբ Երևանն այսօր նույնիսկ խցանված փողոցներ ուներ, երբ ավտոբուսները շարունակում են բեռնված մնալ: Պետք էր այս բոլոր միջոցառումները վաղուց իրականացնել, նոր գալ այս վերջին միջոցի հետևից: Հույս ունեմ, որ այս միջոցառումները անհապաղ կիրականացվեն և կդառնան պարետի անձնական ուշադրության առարկա»:

Պատգամավորը հավելեց. «Ես կարծում եմ, որ մեզ բոլորիս լրջանալ է պետք, որովհետև իշխանությունը տապալված տեսնելու մարմաջով ապրող ուժերը, անհատները ոչ մի տեղ չեն փախչել և փնտրում են հենց այսպիսի իրավիճակներ»:

Արման Բաբաջանյանն ընդգծեց. «Խոսում ենք մարդկանց կյանքի և առողջության մասին, բայց կարծես մոռացել ենք պետության առողջության մասին, իսկ դա, վստահ եղեք, չափազանց օրհասական խնդիր է:

Եթե նժարին գեթ մեկ մարդու առողջությունն է, ես թքած ունեմ այն քաղաքական դիվիդենդի և շահի վրա, որ դրանից ինձ պիտի բաժին հասնի այստեղ դեմ քվեարկելով»:

 

Մանրամասները՝ տեսանյութում:

  • Դիտումներ՝ *