Այսօր՝ մարտի 31-ին, Ազգային ժողովում հրավիրվել է արտահերթ նիստ: Օրակարգում դարձյալ Արտակարգ դրության իրավական ռեժիմի մասին օրենքում լրացումներ կատարելու մասին օրենքի նախագիծը 2-րդ ընթերցմամբ ընդունելու մասին հարցն է:
«Արդեն ժամը 10-ն է, և արդեն որերորդ նիստն ենք սկսում: ԱԺ նախագահը հայտարարեց, որ 21.30-ին սկսվելու է նիստը, և ընդդիմությունը էլի չկա»,- հայտարարեց «Իմ քայլը» խմբակցության պատգամավոր Ռուբեն Ռուբինյանը:
Պատգամավորը այս փաստը համարում է լավագույն ապացույցը, որ երեք ժամ առաջ արված հայտարարությունները առ այն, որ ընդդիմությունը ներկա չէ, որովհետև իրենց ուշ են զգուշացրել, ընդամենը շոու էին. «Ընդ որում, ոչ թե անմեղ շոու էր, այլ շատ ծանր իրավիճակում մանիպուլյացիա էր»:
Նշելով, որ իրենց պահվածքով ընդդիմությունը անվստահություն է ցանկանում ստեղծել, պատգամավորն ասաց.. «Միակ բացատրությունը սրա այն է, որ նրանք հույս ունեն, թե անվստահությունը կառավարության կամ մեծամասնության հանդեպ պետք է նշանակի վստահություն իրենց հանդեպ: Ես վստահ եմ, որ այդպես չի լինի: Որպես քաղաքացի` ես երբեք չեմ մոռանալու ԲՀԿ-ի և ԼՀԿ-ի այս պահվածքը»:
Խոսելով բռնապետության մասին` Ռուբեն Ռուբինյանը շեշտեց. «Այսօր վերջին ՀՀԿ-ական թափթփուկից բռնած մինչև Գևորգ Գորգիսյան ազատ խոսում են, գրում են: Ուրեմն էս պայմաններում մենք մնացել էինք այս բանի հույսի՞ն»:
Մանրամասները՝ տեսանյութում: