Այսօր՝ մարտի 31-ին, Ազգային ժողովում հրավիրվել է արտահերթ նիստ: Օրակարգում դարձյալ Արտակարգ դրության իրավական ռեժիմի մասին օրենքում լրացումներ կատարելու մասին օրենքի նախագիծն ընդունելու հարցն է:
«Քննադատություններում, որ հնչում են ոչ թե ընդդիմության, այլ, այսպես ասած, հանրային մեծ լսարան ունեցող քաղաքացիների կողմից, մի թյուրըմբռնում կա, թե իբր տվյալների նոր հավաքագրում է տեղի ունենալու»,- հայտարարեց «Իմ քայլը» խմբակցության պատգամավոր Վահագն Հովակիմյանը:
Նրա խոսքով, մինչդեռ, հաճախորդի տեղաբաշխումը և զանգերի փաստը բջջային օպերատորները, իրենց ստեղծման օրից, հավաքում են. «Այս օրենքը ընդամենը պարետատանը հնարավորություն է տալու օգտվել այդ տվյալներից»:
«Ոչ ոք չի կարող մեր կառավարությանը թեկուզ ակամա կամ ենթատեքստով մեղադրել հանցագործ լինելու մեջ. ով որ մեղադրում է, թող մի հատ գնա հայելու մեջ նայի»,- հավելեց պատգամավորը:
Մանրամասները՝ տեսանյութում: