Կորոնավիրուսային համաճարակի բռնկմանը համատեղ տարբեր երկրների իշխանությունները կոչ են անում քաղաքացիներին ինքնամեկուսանալ՝ տունը համարելով ամենաապահով տեղը: Իսկապես, նրանց համար, ովքեր տնից դուրս չեն գալիս, վարակվելու վտանգը շատ ավելի ցածր է, բայց ոչ բոլորի համար է, որ «ամենաապահով տեղն է»՝ գրում է euronews-ը:
Կանանց նկատմամբ բռնության հարցերով ՄԱԿ-ի հատուկ զեկուցող Դուբրավկա Սիմոնովիչը ասել է, որ տարբեր երկրներում կարանտինի ներդրումը կարող է մեծացնել ընտանեկան բռնության դեպքերի թիվը: Նա կոչ է արել իշխանություններին ՝ լրացուցիչ միջոցներ ձեռնարկել զոհերին օգնելու համար:
Ֆրանսիայի ներքին գործերի նախարար Քրիստոֆ Քաստաները հայտնել է, որ երկու շաբաթ առաջ հայտարարված կարանտինի ընթացքում երկրում 30% աճել է ընտանեկան բռնության դեպքերի թիվը: Միայն Փարիզում այդ ցուցանիշն աճել է 36% -ով:
Ընտանեկան բռնության դեպքերը Չինաստանում ևս կտրուկ աճել են: Ըստ Վան Ֆեյի՝ Հուբեյում գործող հասարակական կազմակերպության ղեկավարի, որը օգնում է բռնության զոհերին, համաճարակի ժամանակ զանգերի քանակը կրկնապատկվել է: