Յուրի Խաչատուրովի դիրքորոշումը, բերած պատճառաբանությունները, թե ինչու չի ներկայացել ԱԺ քննիչ հանձնաժողովի նիստին, անհեթեթ եմ համարում: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Արմեն Խաչատրյանը:
«Չի կարող Հայաստանի թիվ մեկ ռազմական պաշտոնյան չներկայանալ և համապատասխան տեղեկատվություն չհայտնել քննիչ հանձնաժողովին, որի գործունեությունը միտված է ՀՀ պաշտպանունակության բարձրացմանը և ազգային անվտանգությանն առնչվող մի շարք հարցերի, մեր բանակում եղած մի շարք թերություններն ի հայտ բերելու և հրատապ լուծելուն:
Չներկայանալը իր հայրենիքի պաշտպանությանն ուղղված քննիչ միջոցառմանը, ես չեմ կարող որևէ բացատրություն տալ, բացասական եմ գնահատում»,-ասաց նա: