Լուրեր
Էրեկ ես էլ վախեցա, ասի չեթամ կողմ քվեարկեմ՝ խայտառակ ըլնեմ. Էսօր իմ կարծիքն էլ ա փոխվել. Միքայելյան
  • 14:37
  • 2020-03-31
  • Դիտումներ՝ *

Այսօր՝ մարտի 31-ին, Ազգային ժողովում շարունակվում է արտահերթ նիստի աշխատանքը:

«Երկրում մի համաճարակ է, որ ոչ մի հզոր պետություն չի կարողացել դրա բուժման ձևը գտնել: Պետք է ընդամենը հետևողական քայլեր արվեն, որպեսզի կարողանանք խուսափել դրանից: Էնքան էլ ուշքս չի գնում մեր առողջապահության նախարարի համար, բայց նախարարության աշխատակիցները ամեն ինչ անում են»,- հայտարարեց «Իմ քայլը» խմբակցության պատգամավոր Սասուն Միքայելյանը:

Ինչ վերաբերում է գաղտնալսմանը, պատգամավորն ասաց` իշխանությունն ի՞նչ պրոբլեմ ունի գաղտնալսելու. «Տարրական բաներ կան, որ պետք չի ուռճացնել: Թե էս քայլը քանի հոգու օգուտ կտա` 1 հոգու, թե 10 հոգու, բայց քայլ ա արվում»:

«Էրեկ սոցցանցերում քննադատությունները կարդացի` վախեցա. ես, որ ոչ մի բանից չեմ վախեցել, վախենում էի, ասի չեթամ կողմ քվեարկեմ` խայտառակ ըլնեմ: Բայց էսօր իմ կարծիքն էլ ա փոխվել, պարոն Աբովյան, որովհետև հասկացել եմ, որ անզոր ենք: Նման քայլերով պիտի կարողանանք ինչ-որ բան անել»:

 

Մանրամասները՝ տեսանյութում:

  • Դիտումներ՝ *