Նախագծի էությունն այն է, որ գումարվում է մեկ միասնական տվյալների բազա ՀՀ-ում գործող երկու օպերատորներից: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Արեն Մկրտչյանը՝ անդրադառնալով հեռախոսազանգերի միջոցով քաղաքացիներին տեղորոշելու վերաբերյալ օրինագծին:
«Դիցուք ես վարակվել եմ, իմ տվյալները մուտքագրում են տվյալների բազա, և համակարգն ավտոմատ կերպով իմ հեռախոսի գեոլոկացիայի միջոցով տալիս է հնարավոր կոնտակտավոր անձանց շրջանակը՝ որոշակի օրերի կտրվածքով: Այսինքն այն անձանց շրջանակը, ում հետ ես հնարավոր է շփվել եմ, հնարավոր է վարակած լինեմ, մոտ եմ գտնվել և այլն: Դա տեղի է ունենում րոպեների ընթացքում: ըստ այդ ցանկի պարետատան աշխատակիցները սկսում են համապատասխան զանգերի միջոցով տեղեկացնել այն քաղաքացիներին, որոնք հնարավոր է՝ վարակված լինեն»,-ասաց նա:
Պատգամավորը նաև հավելեց, որ նույն աշխատանքը հիմա կատարվում է մեխանիկական տարբերակով, և դրա վրա ծախսվում են օրեր և հսկայական ռեսուրսներ:
