Ավստալացի զբոսաշրջիկները, որոնց պետությունը ճամփորդելուց հետո շքեղ հյուրանոցներում կարանտինի է ուղարկել, ցույց են տվել այդ հյուրանոցների կահավորանքը: Քաղաքացիների պատմությունները հրապարակել է Daily Mail-ը:
Ինչպես նշում է պարբերականը, Ավստրալիան արտասահմանից ժամանած քաղաքացիներին մեկուսացնելու համար օգտագործում է հինգ աստղանի հյուրանոցները: Օրինակ, Սիդնեյի որոշ բնակիչների տեղավորել են InterContinental, Hilton, Swissotel եւ Novotel հյուրանոցներում, եւ մեկուսացվածները սոցցանցերում սկսել են կիսվել իրենց առօրյայով:
Այսպես, մի կինը, որը ժամանակավորապես ապրում է Hilton-ում, ցույց է տվել ընդարձակ համարը եւ լոգասենյակի հեռուստացույցը: Մյուս ավստրալացինսպիտակ խալաթով լուսանկարվել է նկարի ֆոնին եւ հեգնական գրել. «Ինչ որ մեկն ասել է կարանտի՞ն»:
Եվս մեկ կարանտինում գտնվող զբոսաշրջիկ, որը գտնվում է Crown Promenade հյուրանոցում, հրապարակել է իրեն մատակարարվող սննդի լուսանկարները եւ շնորհակալություն հայտնել հարկատուներին:
Նշվում է, որ կարանտինում գտնվող բոլոր ավստրալացիներին ամեն օր տրամադրվում է երեքանգամյա անվճար սնունդ: Հյուրանոցների աշխատակիցները սնունդը թողնում են դռների մոտ հատուկ տոպրակներով: