Այսօր՝ մարտի 31-ին, Ազգային ժողովում շարունակվում է արտահերթ նիստի աշխատանքը: Այժմ քննարկվում է Արտակարգ դրության իրավական ռեժիմի մասին օրենքում լրացումներ կատարելու մասին օրենքի նախագիծը 2-րդ ընթերցմամբ ընդունելու հարցը:
Ինչպես նշեց «Իմ քայլը» խմբակցության պատգամավոր Ռուբեն Ռուբինյանը` Հարավային Կորեան մոտ մեկ ամիս առաջ աշխարհում երկրորդն էր վարակակիրների թվով, և այդ երկրին հաջողվել է գրեթե կանգնեցնել կամ դանդաղեցնել վարակի տարածումը. «Հարավային Կորեայում իրականացվում են շատ ավելի խիստ միջոցառումներ, քան առաջարկվում է մեզ մոտ սույն օրենքով»:
Ռուբինյանը նշեց, թե ինչպես են վարվում Հարավային Կորեայում. «Նրանք հասկացել են, որ անձնական կյանքի որոշակի խնդիրները այն գինն են, որը որպես հանրություն իրենք պետք է վճարեն համաճարակը կանգնեցնելու համար: Առաջարկվում է Հարավային Կորեայի փորձը տեղայնացնել Հայաստանում շատ ավելի մեղմ տարբերակով»:
Նրա խոսքով` այս կարգավորումը զոհերից խուսափելու մասին է:
Դիմելով ընդդիմությանը` Ռուբինյանը շեշտեց. «Ընդդիմությունը մանիպուլյացիա է անում շատ անհարմար ժամանակ: Ես խնդրում եմ ձեզ` մի արեք»:
Մանրամասները՝ տեսանյութում: