Իրաքի առողջապահության նախարարությունը հայտարարել է երկրում COVID-19-ով վարակի 83 նոր դեպքի մասին, հաստատված դեպքերի ընդհանուր թիվը հասել է 630-ի:
Առողջապահության նախարարության տվյալներով, հիվանդությունն առավել ակտիվորեն տարածվում է երկրի կենտրոնական մասում գտնվող Նաջաֆ նահանգում (18 դեպք), հյուսիսում՝ Սուլեյմանիա նահանգում (14 դեպք), հարավային Մութաննա (12 դեպք) և Բասրա (10 դեպք) նահանգներում, ինչպես նաև Բաղդադում ( 14 դեպք):
Երկուշաբթի օրը չորս հիվանդ մահացել է, ապաքինվել են՝ 9-ը: Գրանցված մահացությունների թիվը 46 է, ապաքինվածների ընդհանուր թիվը՝ մինչև 152:
Իրաքի ամբողջ տարածքում գործում է պարետային ժամ՝ կորոնավիրուսի դեմ պայքարի շրջանակում: Փակված են պետական հաստատությունները, դպրոցներն ու համալսարանները, դադարեցրել են միջազգային թռիչքները:
